MANA

Posted: November 25, 2013 in Uncategorized
rasurasu,
KIKINKA MANA KANLLACHU KANKI

Kikintaka sisakunapish mutsunmi,
kuyllurkunapish paypa kuchupi kachun ninmi,
wayra mamapish chiriklla shulla samiwanmi
kikinpa ukkuta mallin,
mamakuchashina, puyukunashina, urkukunashina,
thiyu panpakunashina, ninakurukunashina, rurukunashinapish;
chishiyaykunaka kikin chaypi kachun ninmi,
kikinpakmi rurashka.
Tutamantakunapish kikin kushi kachunka
chaypimi sumakta kan,
shunku sapi wawsaytami kuwan.
Pachamamapish pakta rurarashkami kan,
kikin tiyachun, asichun,
kuyachun, munachun,
kawsachun rurashka.
Ama wakchalla, llakilla, huchakunayuk
ñakariychu.
Runa kashpaka kuyashpa kawsayari.
Uchilla tutamantapa shulla wikita chaskishpa,
chawpi puncha nina asiyta hapiyariy.
Chishi tukuriy munayta kikinpa kachun nishpa,
mañayariy.
Tutakunapish mishkimi,
chay muskuykunata rikushpa mishayariy,
ama manchashpa,
Kikinllatakmi kanki.
Pachamamapa rurashka kuri runa.
Sinchi, munak shunku,
kuyak, ñukashina
Munak, pachamamashina,
hatun, hatun, yuyak, sinchi, pakta, sapi runami kanki.

Killkak: Rasu Paza.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s